Այսօր մենք գնացել ենք դասարանով էրեբունի ամրոց Ափ
Էրեբունի ամրոցը հնագիտական հուշարձան է, որը գտնվում է Հայաստանի մայրաքաղաք Երևանում՝ Արին բերդ բլրի վրա,Էրեբունի պատմահնագիտական արգելոց-թանգարանը` ուրարտագիտության կարևոր կենտրոններից մեկը մեր տարածաշրջանում:
Այտեղ պահպանվում են Էրեբունի բերդաքաղաքի մնացորդները։ Այն կառուցվել է մ.թ.ա. 782թ. ուրարտական տերության հզորագույն արքաներից մեկի ՝ Արգիշտի I-ի կողմից, ով, համաձայն Խորխորյան արձանագրության, այստեղ է վերաբնակեցրել 6600 զինվորների։ Առաջին պեղումները կատարվել են դեռևս 1879 թ., և բլրի ստորոտից հայտնաբերվել է առաջին սեպագիրը, արդեն 1950 թ. սկսվում են Էրեբունի ամրոցի կանոնավոր պեղումները: Հենց առաջին իսկ տարում հայտնաբերված սեպագիր արձանագրությունից պարզվում է, որ այս ամրոցը կառուցվել է Արգիշտի I արքայի կողմից իր թագավորության հինգերորդ տարում` մ. թ. ա. 782թ., և անվանվել Էրեբունի (Էրբունի): Մեզ հասած առաջին սեպագիր արձանագրությունը.
«Խալդ աստծո մեծությամբ Արգիշտին՝ Մենուայի որդին, այս անառիկ ամրոցը կառուցեց և անվանեց Էրեբունի քաղաք՝ ի հզորություն Բիայնա երկրի և ի սարսափ թշնամիների։ Արգիշտին ասում է… Հողն ամայի էր, այստեղ ես մեծ գործեր կատարեցի։ Խալդ աստծո մեծությամբ Արգիշտի՝ Մենուայի որդի, արքա հզոր, արքա Բիայնա երկրի, տերը Տուշպա քաղաքի»:
Անգելինա Հարությունյան 